kuchh pata mera nahin hai aashiyanon mein kahin

kuchh pata merā nahīñ hai āshiyānoñ meñ kahīñ

gum huā huuñ chalte chalte kārvānoñ meñ kahīñ

ai duā us kī ḳhabar le kar tū jaldī lauTnā

gum ga.ī hai aah merī āsmānoñ meñ kahīñ

ḳhvāb ke rath jis jagah hotā hai bādal par safar

aaj shab le jā mujhe tū un jahānoñ meñ kahīñ

ek sūraj chhup gayā hai aa ke chādar meñ mirī

ek saaya mil gayā hai sā.ebānoñ meñ kahīñ

raat mash.al le ke un ko DhūñDne maiñ jā.uñgā

jo chhupe baiThe haiñ dil ke raakh dānoñ meñ kahīñ

garche hai dushvār phir bhī DhūñDhtā phirtā huuñ maiñ

ek chehra gum huā ā.īna-ḳhānoñ meñ kahīñ

jin ke hone se mayassar haiñ tujhe āsāniyāñ

kaash ho merā shumār un mehrbānoñ meñ kahīñ

kuchh pata mera nahin hai aashiyanon mein kahin

gum hua hun chalte chalte karwanon mein kahin

ai dua us ki KHabar le kar tu jaldi lauTna

gum gai hai aah meri aasmanon mein kahin

KHwab ke rath jis jagah hota hai baadal par safar

aaj shab le ja mujhe tu un jahanon mein kahin

ek suraj chhup gaya hai aa ke chadar mein meri

ek saya mil gaya hai saebanon mein kahin

raat mashal le ke un ko DhunDne main jaunga

jo chhupe baiThe hain dil ke rakh danon mein kahin

garche hai dushwar phir bhi DhunDhta phirta hun main

ek chehra gum hua aaina-KHanon mein kahin

jin ke hone se mayassar hain tujhe aasaniyan

kash ho mera shumar un mehrbanon mein kahin