kuchh saliqe se agar chaak ghumaya jata

Faisal Nadeem Faisal

kuchh saliqe se agar chaak ghumaya jata

Faisal Nadeem Faisal

MORE BYFaisal Nadeem Faisal

    kuchh salīqe se agar chaak ghumāyā jaatā

    ain mumkin hai ki shahkār banāyā jaatā

    jaane vaale ne ġhalat fahmī meñ lauT aanā thā

    be-ḳhayālī meñ bhī gar haath hilāyā jaatā

    ishq mansūr ko ḳhud daar talak le aayā

    is se pahle ki koī hashr uThāyā jaatā

    lauTne vaalā isī soch meñ mar jā.egā

    kaash zanjīr ko do baar hilāyā jaatā

    rañg bharne meñ musavvir ne riyā-kārī

    varna tasvīr ko mandir meñ lagāyā jaatā

    is meñ vahshat hai aziyyat hai zabūñ-hālī hai

    ab ye kirdār nahīñ mujh se nibhāyā jaatā

    aap to shakl se lagte haiñ adākār mujhe

    aap jaisoñ ko nahīñ dost banāyā jaatā

    avvalīñ ḳhat ko jalā kar vo gunahgār huā

    kaash tāzīm se dariyā meñ bahāyā jaatā

    maiñ ne badlī haiñ rivāyāt purānī varna

    maiñ bhī 'faisal' kisī paTrī se uThāyā jaatā

    kuchh saliqe se agar chaak ghumaya jata

    ain mumkin hai ki shahkar banaya jata

    jaane wale ne ghalat fahmi mein lauT aana tha

    be-KHayali mein bhi gar hath hilaya jata

    ishq mansur ko KHud dar talak le aaya

    is se pahle ki koi hashr uThaya jata

    lauTne wala isi soch mein mar jaega

    kash zanjir ko do bar hilaya jata

    rang bharne mein musawwir ne riya-kari ki

    warna taswir ko mandir mein lagaya jata

    is mein wahshat hai aziyyat hai zabun-haali hai

    ab ye kirdar nahin mujh se nibhaya jata

    aap to shakl se lagte hain adakar mujhe

    aap jaison ko nahin dost banaya jata

    awwalin KHat ko jala kar wo gunahgar hua

    kash tazim se dariya mein bahaya jata

    main ne badli hain riwayat purani warna

    main bhi 'faisal' kisi paTri se uThaya jata

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY