kuchh silsile falak ke paDe hain ujaD se

kuchh silsile falak ke paḌe haiñ ujaaḌ se

rishte bane hue haiñ zamīn ke pahāḌ se

be-jurm be-gunāh asīroñ kī ḳhair ho

aatī haiñ dam-ba-dam ye sadā.eñ tihāḌ se

badnām hotā hai vo jo aage dikhā.ī de

jalva dikhātā aur hī koī hai aaḌ se

tum to chale ga.e mirī duniyā ko chhoḌ kar

lag kar khaḌā hai kaun ye dil ke kivāḌ se

āñdhī chale kabhī to salāmat rahoge nā

paude ne sar uThā ke ye pūchhā hai jhaaḌ se

be-faiz sar-bulandī ke qaa.il nahīñ haiñ ham

miltā nahīñ hai saaya musāfir ko taaḌ se

kitne ajiib log haiñ 'āqib' tumhāre saath

hīroñ se bair ishq hai jin ko kabāḌ se

kuchh silsile falak ke paDe hain ujaD se

rishte bane hue hain zamin ke pahaD se

be-jurm be-gunah asiron ki KHair ho

aati hain dam-ba-dam ye sadaen tihaD se

badnam hota hai wo jo aage dikhai de

jalwa dikhata aur hi koi hai aaD se

tum to chale gae meri duniya ko chhoD kar

lag kar khaDa hai kaun ye dil ke kiwaD se

aandhi chale kabhi to salamat rahoge na

paude ne sar uTha ke ye puchha hai jhaD se

be-faiz sar-bulandi ke qail nahin hain hum

milta nahin hai saya musafir ko taD se

kitne ajib log hain 'aqib' tumhaare sath

hiron se bair ishq hai jin ko kabaD se