kuchh taghayyur mere ahwal-e-pareshan mein nahin

Salik Dehlvi

kuchh taghayyur mere ahwal-e-pareshan mein nahin

Salik Dehlvi

MORE BYSalik Dehlvi

    kuchh taġhayyur mire ahvāl-e-pareshāñ meñ nahīñ

    aise aalam meñ huuñ jo ālam-e-imkāñ meñ nahīñ

    sub.h-e-mahshar bhī dikhā.ī nahīñ detī yārab

    roz-e-bad bhī to nasīb-e-shab-e-hijrāñ meñ nahīñ

    vahshat-e-ishq ko sābit-qadamī bhī hai zarūr

    qais naqsh-e-qadam tak to bayābāñ meñ nahīñ

    ho gayā zauq fazā-e-ḳhalish-e-yād-e-mizha

    kaun kahtā hai ki lazzat tire paikāñ meñ nahīñ

    dasht-e-vahshat meñ uḌe phirte haiñ ārām se ham

    jo sifat zo.af meñ hai taḳht-e-sulaimāñ meñ nahīñ

    kuchh taghayyur mere ahwal-e-pareshan mein nahin

    aise aalam mein hun jo aalam-e-imkan mein nahin

    subh-e-mahshar bhi dikhai nahin deti yarab

    roz-e-bad bhi to nasib-e-shab-e-hijran mein nahin

    wahshat-e-ishq ko sabit-qadami bhi hai zarur

    qais ka naqsh-e-qadam tak to bayaban mein nahin

    ho gaya zauq faza-e-KHalish-e-yaad-e-mizha

    kaun kahta hai ki lazzat tere paikan mein nahin

    dasht-e-wahshat mein uDe phirte hain aaram se hum

    jo sifat zoaf mein hai taKHt-e-sulaiman mein nahin

    Source :
    • Book : Noquush (Pg. B-291 E-307)
    • Publication : Nuqoosh Press Lahore (May June 1954)
    • Edition : May June 1954
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY