kuchh to mere qabile ko KHuddari kha gai

kuchh to mire qabīle ko ḳhuddārī khā ga.ī

jo kuchh bachā thā ḳhvāhish-e-sardārī khā ga.ī

maz.hab ke ishtihār pe maslak kā kārobār

saarī ibādatoñ ko riyā-kārī khā ga.ī

nām-o-nasab ne ghar se nikalne nahīñ diyā

merā vajūd merī zamīn-dārī khā ga.ī

ham sādgī meñ kitne numāyāñ the dosto

apnī haqīqatoñ ko adā-kārī khā ga.ī

beTī ko maiñ jahez bhī detā to kis tarah

saarī kamā.ī baap kī bīmārī khā ga.ī

āsāniyāñ aziiz thiiñ 'maikash' hameñ magar

āsāniyoñ kī fasl ko dushvārī khā ga.ī

kuchh to mere qabile ko KHuddari kha gai

jo kuchh bacha tha KHwahish-e-sardari kha gai

mazhab ke ishtihaar pe maslak ka karobar

sari ibaadaton ko riya-kari kha gai

nam-o-nasab ne ghar se nikalne nahin diya

mera wajud meri zamin-dari kha gai

hum sadgi mein kitne numayan the dosto

apni haqiqaton ko ada-kari kha gai

beTi ko main jahez bhi deta to kis tarah

sari kamai bap ki bimari kha gai

aasaniyan aziz thin 'maikash' hamein magar

aasaniyon ki fasl ko dushwari kha gai