kuchh to pas bacha kar rakho sab kuchh karobar na jaano

kuchh to paas bachā kar rakho sab kuchh kārobār na jaano

dil ke darvāze mat kholo is ghar ko bāzār na jaano

maanā rasta bahut kaThin hai phir bhī sāya-dār shajar haiñ

Tahnī ko talvār na samjho āñchal ko dīvār na jaano

sab kuchh us ko de aaya huuñ sab kuchh us se le aaya huuñ

merī jiit ko jiit na samjho merī haar ko haar na jaano

din-bhar dhuup meñ chalte chalte ham donoñ kī shaam huī hai

thak kar bāñhoñ meñ so jaanā ye jismānī pyaar na jaano

titlī ke nāzuk pankhoñ par aañsū kī tahrīr ġhazal hai

lafzoñ kī mīnā-kārī ko ilhāmī ash.ār na jaano

kuchh to pas bacha kar rakho sab kuchh karobar na jaano

dil ke darwaze mat kholo is ghar ko bazar na jaano

mana rasta bahut kaThin hai phir bhi saya-dar shajar hain

Tahni ko talwar na samjho aanchal ko diwar na jaano

sab kuchh us ko de aaya hun sab kuchh us se le aaya hun

meri jit ko jit na samjho meri haar ko haar na jaano

din-bhar dhup mein chalte chalte hum donon ki sham hui hai

thak kar banhon mein so jaana ye jismani pyar na jaano

titli ke nazuk pankhon par aansu ki tahrir ghazal hai

lafzon ki mina-kari ko ilhami ashaar na jaano