kuchh wote kamane ki KHatir kya KHun bahana lazim hai

kuchh vote kamāne kī ḳhātir kyā ḳhuun bahāna lāzim hai

jab baat amn kī ho har sū kyā baat baḌhānā lāzim hai

tum ahl-e-siyāsat kyā jaano ham ahl-e-qalam ke jazboñ ko

jo ḳhūn-e-jigar se likh deñ to sab kā ghabrānā lāzim hai

aḳhbār to jhūTe haiñ aksar ye ham ko kyā samjhā.eñge

kab kis ko uThānā behtar hai kab kis ko girānā lāzim hai

bātoñ kā zamāna ḳhatm huā hāthoñ kā zamāna aayā hai

dil aaj hamārā kahtā hai kuchh kar ke dikhānā lāzim hai

dīvār uThā kar maz.hab kī netā ne kursī paa.ī hai

phir ahl-e-vatan ne maanā hai dīvār girānā lāzim hai

kuchh wote kamane ki KHatir kya KHun bahana lazim hai

jab baat amn ki ho har su kya baat baDhana lazim hai

tum ahl-e-siyasat kya jaano hum ahl-e-qalam ke jazbon ko

jo KHun-e-jigar se likh den to sab ka ghabrana lazim hai

aKHbar to jhuTe hain aksar ye hum ko kya samjhaenge

kab kis ko uThana behtar hai kab kis ko girana lazim hai

baaton ka zamana KHatm hua hathon ka zamana aaya hai

dil aaj hamara kahta hai kuchh kar ke dikhana lazim hai

diwar uTha kar mazhab ki neta ne kursi pai hai

phir ahl-e-watan ne mana hai diwar girana lazim hai