kuchh yahan farq hai apne ka na begane ka

kuchh yahāñ farq hai apne kā na begāne kā

ek dastūr hai har daur meñ maiḳhāne kā

raqs-e-mīnā hai na vo daur hai paimāne kā

in dinoñ haal hī kuchh aur hai maiḳhāne kā

maiñ to har haal meñ jī lūñgā magar jalva-e-dost

bin tire dil nahīñ gosha hai ye vīrāne kā

shohrat-e-ām to hāsil thī par aisī bhī na thī

log unvān banā leñ mujhe afsāne kā

vo gayā vaqt ki jab dil ko na thī ġham se najāt

ye zamāna to hai hañs hañs ke jiye jaane kā

aise kho.e rahe ham rāh-ravī meñ 'azmat'

hosh aaya nahīñ manzil pe Thahar jaane kā

kuchh yahan farq hai apne ka na begane ka

ek dastur hai har daur mein maiKHane ka

raqs-e-mina hai na wo daur hai paimane ka

in dinon haal hi kuchh aur hai maiKHane ka

main to har haal mein ji lunga magar jalwa-e-dost

bin tere dil nahin gosha hai ye virane ka

shohrat-e-am to hasil thi par aisi bhi na thi

log unwan bana len mujhe afsane ka

wo gaya waqt ki jab dil ko na thi gham se najat

ye zamana to hai hans hans ke jiye jaane ka

aise khoe rahe hum rah-rawi mein 'azmat'

hosh aaya nahin manzil pe Thahar jaane ka