kufr bhi ruKHsat hai iman raegan karne ke baad

kufr bhī ruḳhsat hai īmāñ rā.egāñ karne ke baad

karte haiñ zikr-e-ḳhudā zikr-e-butāñ karne ke baad

ashk umañD aate haiñ ḳhud zabt-e-fuġhāñ karne ke baad

dard baTtā hai kisī ko rāzdāñ karne ke baad

iḳhtiyār-e-nāz kyā ho jabr-e-fitrat kā gila

sī diye lab aag siine meñ nihāñ karne ke baad

ban ga.ī fitrat harīf-e-sheva-e-iz.hār-e-ġham

hañs rahā huuñ ashk āñkhoñ se ravāñ karne ke baad

saikḌoñ afsāne ik ik harf meñ paatā huuñ maiñ

us hasīñ kā naam zeb-e-dāstāñ karne ke baad

gulsitāñ kī har kalī har phuul terā hai magar

ḳhār-o-ḳhas se paak sehn-e-gulistāñ karne ke baad

miT ga.iiñ 'nātiq' ġham-e-jānāñ kī saarī kulfateñ

shā.erī meñ sharh-e-ranj-e-do-jahāñ karne ke baad

kufr bhi ruKHsat hai iman raegan karne ke baad

karte hain zikr-e-KHuda zikr-e-butan karne ke baad

ashk umanD aate hain KHud zabt-e-fughan karne ke baad

dard baTta hai kisi ko raazdan karne ke baad

iKHtiyar-e-naz kya ho jabr-e-fitrat ka gila

si diye lab aag sine mein nihan karne ke baad

ban gai fitrat harif-e-shewa-e-izhaar-e-gham

hans raha hun ashk aankhon se rawan karne ke baad

saikDon afsane ek ek harf mein pata hun main

us hasin ka nam zeb-e-dastan karne ke baad

gulsitan ki har kali har phul tera hai magar

KHar-o-KHas se pak sehn-e-gulistan karne ke baad

miT gain 'natiq' gham-e-jaanan ki sari kulfaten

shaeri mein sharh-e-ranj-e-do-jahan karne ke baad