aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kufr ek rang-e-qudrat-e-be-intiha mein hai

Bahram ji

kufr ek rang-e-qudrat-e-be-intiha mein hai

Bahram ji

MORE BYBahram ji

    kufr ek rañg-e-qudrat-e-be-intihā meñ hai

    jis but ko dekhtā huuñ vo yād-e-ḳhudā meñ hai

    āshiq hai jo ki jāma-e-sidq-o-safā meñ hai

    ma.ashūq hai jo parda-e-hilm-o-hayā meñ hai

    aalam hai mast sajda-e-jānāñ meñ tā-abad

    mastī balā bāda-e-''qālū-balā'' meñ hai

    īmāñ hai aks-e-ruḳh to hai gesū aks-e-kufr

    vo kaun chiiz hai jo tirī mā-sivā meñ hai

    abrū ke mahv ka.abe meñ sūrat ke dair meñ

    ushshāq ruḳh silsila nūr-o-ziyā meñ hai

    be-jalva-gāh-e-yār kahāñ ye rujū-e-ḳhalq

    bahs-e-fuzūl barhaman-o-pārsā meñ hai

    juuyā hai bas ki āriz-o-gesū-e-yār

    pāband shaiḳh sajda-e-sub.h-o-masā meñ hai

    raftār mo.ajaza hai to hai sehr chaal meñ

    shoḳhī ajab tarah tire naqsh-e-pā meñ hai

    terī taraf ko muslim o kāfir hai rujū

    puujā meñ barhaman hai to zāhid duā meñ hai

    maqtūl lākhoñ ho chuke shā.eq hazār-hā

    lazzat ajiib yaar teġh-e-jafā meñ hai

    ik pech-o-ḳham meñ gabr-o-musalmāñ haiñ mubtalā

    vus.at balā yaar zulf-e-rasā meñ hai

    'bahrām' āshiqāna ġhazal ek aur bhī

    quvvat abhī bahut tirī fikr-e-rasā meñ hai

    kufr ek rang-e-qudrat-e-be-intiha mein hai

    jis but ko dekhta hun wo yaad-e-KHuda mein hai

    aashiq hai jo ki jama-e-sidq-o-safa mein hai

    mashuq hai jo parda-e-hilm-o-haya mein hai

    aalam hai mast sajda-e-jaanan mein ta-abad

    masti bala ki baada-e-qalu-bala mein hai

    iman hai aks-e-ruKH to hai gesu ka aks-e-kufr

    wo kaun chiz hai jo teri ma-siwa mein hai

    abru ke mahw kabe mein surat ke dair mein

    ushshaq ruKH ka silsila nur-o-ziya mein hai

    be-jalwa-gah-e-yar kahan ye ruju-e-KHalq

    bahs-e-fuzul barhaman-o-parsa mein hai

    juya hai bas ki aariz-o-gesu-e-yar ka

    paband shaiKH sajda-e-subh-o-masa mein hai

    raftar moajaza hai to hai sehr chaal mein

    shoKHi ajab tarah ki tere naqsh-e-pa mein hai

    teri taraf ko muslim o kafir ki hai ruju

    puja mein barhaman hai to zahid dua mein hai

    maqtul lakhon ho chuke shaeq hazar-ha

    lazzat ajib yar ki tegh-e-jafa mein hai

    ek pech-o-KHam mein gabr-o-musalman hain mubtala

    wusat bala ki yar ki zulf-e-rasa mein hai

    'bahram' aashiqana ghazal ek aur bhi

    quwwat abhi bahut teri fikr-e-rasa mein hai

    Source:

    Deewan-e-Bahram (Pg. ebook-116 page-114)

      • Edition: 1943
      • Publisher: Anjuman Taraqqi Urdu (Hind), Delhi
      • Year of Publication: 1943
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now