kufr-o-iman mein wahi rabt-e-nihan hai ki jo tha

kufr-o-īmāñ meñ vahī rabt-e-nihāñ hai ki jo thā

shor-e-nāqūs meñ andāz-e-azāñ hai ki jo thā

aks terā kisī chehre meñ nahīñ miltā hai

aa.ina bazm meñ har-sū nigarāñ hai ki jo thā

nigah-o-jalva meñ baaqī hai abhī tak duurī

biich meñ parda-e-bārīk-e-gumāñ hai ki jo thā

husn aur ishq meñ ab tak hai vahī rabt-e-qadīm

ḳhūn-e-dil ġhāza-e-ruḳhsār-e-butāñ hai ki jo thā

har taraf dānish-o-dīñ kī haiñ dukāneñ 'safdar'

chaar sū ma.arka-e-sūd-o-ziyāñ hai ki jo thā

kufr-o-iman mein wahi rabt-e-nihan hai ki jo tha

shor-e-naqus mein andaz-e-azan hai ki jo tha

aks tera kisi chehre mein nahin milta hai

aaina bazm mein har-su nigaran hai ki jo tha

nigah-o-jalwa mein baqi hai abhi tak duri

bich mein parda-e-barik-e-guman hai ki jo tha

husn aur ishq mein ab tak hai wahi rabt-e-qadim

KHun-e-dil ghaza-e-ruKHsar-e-butan hai ki jo tha

har taraf danish-o-din ki hain dukanen 'safdar'

chaar su marka-e-sud-o-ziyan hai ki jo tha