kunen jo pani ki bin pyas chah rakhte hain

kuñ.eñ jo paanī kī bin pyaas chaah rakhte haiñ

magar nahañg bhī dariyā kī thaah rakhte haiñ

shahādat apnī gavāhī pe ab bhī hai shāhid

shahīd vo haiñ jo haq ko gavāh rakhte haiñ

ye jaan lījiye pahchān donoñ kī hai yahī

jo taaj raajā to kashkol shaah rakhte haiñ

vo ḳhaak dhuul chaTā.eñge apne dushman ko

jo dil na qalb-e-amīr-e-sipāh rakhte haiñ

haiñ dañg apnī hī dahshat ke Dar se dahshat-gard

ye kaale naag haiñ dil bhī siyāh rakhte haiñ

jo log achchhe haiñ rakhte haiñ Thiik ghar ko vahī

ḳharāb log to ghar ko tabāh rakhte haiñ

hamārī un kī siyāsat kā rañg ḳhuub hai vaah

ki ham imaam to vo sarbarāh rakhte haiñ

jo andhe āñkhoñ ke haiñ aur nain mujh ko hai naam

vo kor-chashm bhī ham par nigāh rakhte haiñ

banā ke qasr-e-vafā sher bolā haidar kā

kaTā ke haath bhī ham dast-gāh rakhte haiñ

'vaqār-hilm' alī vāloñ se ḳhudā kī qasam

pul-sirāt ke raste bhī raah rakhte haiñ

kunen jo pani ki bin pyas chah rakhte hain

magar nahang bhi dariya ki thah rakhte hain

shahadat apni gawahi pe ab bhi hai shahid

shahid wo hain jo haq ko gawah rakhte hain

ye jaan lijiye pahchan donon ki hai yahi

jo taj raja to kashkol shah rakhte hain

wo KHak dhul chaTaenge apne dushman ko

jo dil na qalb-e-amir-e-sipah rakhte hain

hain dang apni hi dahshat ke Dar se dahshat-gard

ye kale nag hain dil bhi siyah rakhte hain

jo log achchhe hain rakhte hain Thik ghar ko wahi

KHarab log to ghar ko tabah rakhte hain

hamari un ki siyasat ka rang KHub hai wah

ki hum imam to wo sarbarah rakhte hain

jo andhe aankhon ke hain aur nain mujh ko hai nam

wo kor-chashm bhi hum par nigah rakhte hain

bana ke qasr-e-wafa sher bola haidar ka

kaTa ke hath bhi hum dast-gah rakhte hain

'waqar-hilm' ali walon se KHuda ki qasam

pul-siraat ke raste bhi rah rakhte hain