ku-e-jaanan mein nahin koi guzar ki surat

Heera Lal Falak Dehlvi

ku-e-jaanan mein nahin koi guzar ki surat

Heera Lal Falak Dehlvi

MORE BYHeera Lal Falak Dehlvi

    kū-e-jānāñ meñ nahīñ koī guzar sūrat

    dil uḌā phirtā hai TuuTe hue par sūrat

    ham to manzil ke talabgār the lekin manzil

    aage baḌhtī ga.ī rāhguzar sūrat

    vo raheñ sāmne mere to tasallī varna

    dil bhī kambaḳht bhaTaktā hai nazar sūrat

    ruuh afsurda pareshān ḳhayālāt meñ gum

    aisī pahle kabhī dekhī thī bashar sūrat

    merī qismat meñ mohabbat ne yahī likkhā hai

    dard bhī dil meñ rahe zaḳhm-e-jigar sūrat

    baiTh jaa.eñ kisī goshe meñ simaT kar ai dost

    kaun gardish meñ rahe shams-o-qamar sūrat

    vo ga.e ghar se to phir ham ne bhī ghar ko chhoḌā

    ham se dekhī ga.ī dīvār na dar sūrat

    chand aañsū mire dil pe 'falak' gir jaa.eñ

    ātish-e-ġham se sulagtā hai sharar sūrat

    ku-e-jaanan mein nahin koi guzar ki surat

    dil uDa phirta hai TuTe hue par ki surat

    hum to manzil ke talabgar the lekin manzil

    aage baDhti hi gai rahguzar ki surat

    wo rahen samne mere to tasalli warna

    dil bhi kambaKHt bhaTakta hai nazar ki surat

    ruh afsurda pareshan KHayalat mein gum

    aisi pahle kabhi dekhi thi bashar ki surat

    meri qismat mein mohabbat ne yahi likkha hai

    dard bhi dil mein rahe zaKHm-e-jigar ki surat

    baiTh jaen kisi goshe mein simaT kar ai dost

    kaun gardish mein rahe shams-o-qamar ki surat

    wo gae ghar se to phir hum ne bhi ghar ko chhoDa

    hum se dekhi gai diwar na dar ki surat

    chand aansu hi mere dil pe 'falak' gir jaen

    aatish-e-gham se sulagta hai sharar ki surat

    Source
    • Book : Harf-o-sada (Pg. 40)
    • Author : Hira lal Falak Dehlvi
    • Publication : Hira lal Falak Dehlvi (1982)
    • Edition : 1982
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY