ku-ruswai se uTh kar dar tak tanha gaya
Interesting Fact
The last couplet alludes to Dr. Nirma Deshwar, former VC of Magadha University, who was then Professor of Sociology at City University, New York. He was a fan of Urdu ghazal and lived in Azimabad.
kū-e-rusvā.ī se uTh kar daar tak tanhā gayā
mujh se jīte-jī na dāman ḳhvāb kā chhoḌā gayā
kyā bisāt-e-ḳhār-o-ḳhas thī phir bhī yuuñ shab-bhar jale
dosh par bād-e-sahar ke duur tak sho.alā gayā
ruuh kā lambā safar hai ek bhī insāñ kā qurb
maiñ chalā barsoñ to un tak jism kā saayā gayā
kis ko be-gard-e-masāfat shauq kī manzil milī
naġhma-gar kī ḳhalvatoñ tak bār-hā naġhmā gayā
kaun mujh ko DhūñDhtā thā kuchh patā chaltā nahīñ
bazm-e-ḳhūbāñ meñ hazāroñ baar maiñ aayā gayā
ham vo shā.er ki sunāte haiñ surūd-e-jāñ 'hasan'
ek bhī sho.ala-nafas mahfil meñ gar dekhā gayā
mil ga.e jab nirā-dishvar dasht-e-ġhurbat meñ 'na.īm'
ik nayā rishta azīmābād se joḌā gayā
ku-e-ruswai se uTh kar dar tak tanha gaya
mujh se jite-ji na daman KHwab ka chhoDa gaya
kya bisat-e-KHar-o-KHas thi phir bhi yun shab-bhar jale
dosh par baad-e-sahar ke dur tak shoala gaya
ruh ka lamba safar hai ek bhi insan ka qurb
main chala barson to un tak jism ka saya gaya
kis ko be-gard-e-masafat shauq ki manzil mili
naghma-gar ki KHalwaton tak bar-ha naghma gaya
kaun mujh ko DhunDhta tha kuchh pata chalta nahin
bazm-e-KHuban mein hazaron bar main aaya gaya
hum wo shaer ki sunate hain surud-e-jaan 'hasan'
ek bhi shoala-nafas mahfil mein gar dekha gaya
mil gae jab nira-dishwar dasht-e-ghurbat mein 'naim'
ek naya rishta azimabaad se joDa gaya
Source:
kulliyat-e- hasan na.iim (Pg. 126)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
