kucha-e-tamanna se kar-gah-e-azar tak

kūcha-e-tamannā se kār-gāh-e-āzar tak

sañg sañg milte haiñ vaqt ke payambar tak

kaam kī ḳharābī se naam Duub jaate haiñ

gāliyoñ kī zad meñ haiñ qātiloñ ke ḳhanjar tak

intizār karte haiñ log kyoñ masīhā kā

fāsla nazar kā hai zaḳhm-e-dil se nashtar tak

tishnagī kā ruumā hai ab unhīñ ke hoñToñ par

jo sulagtī rātoñ meñ pī ga.e samundar tak

jo ghaTā.eñ bo kar bhī tishnagī ugātā hai

us kī nā-murādī par hañs diyā muqaddar tak

ḳhud ko maan lo yūsuf is liye nahīñ hai ye

aa.ine kī sīḌhī se pahuñchiye sikandar tak

un ke paañv ke nīche maah TuuT jaatā hai

tum ki aa nahīñ sakte apne ghar ke 'aḳhtar' tak

kucha-e-tamanna se kar-gah-e-azar tak

sang sang milte hain waqt ke payambar tak

kaam ki KHarabi se nam Dub jate hain

galiyon ki zad mein hain qatilon ke KHanjar tak

intizar karte hain log kyon masiha ka

fasla nazar ka hai zaKHm-e-dil se nashtar tak

tishnagi ka ruma hai ab unhin ke honTon par

jo sulagti raaton mein pi gae samundar tak

jo ghaTaen bo kar bhi tishnagi ugata hai

us ki na-muradi par hans diya muqaddar tak

KHud ko man lo yusuf is liye nahin hai ye

aaine ki siDhi se pahunchiye sikandar tak

un ke panw ke niche mah TuT jata hai

tum ki aa nahin sakte apne ghar ke 'aKHtar' tak