kucha kucha bhaTak raha hun main

kūcha kūcha bhaTak rahā huuñ maiñ

āsmānoñ ko tak rahā huuñ maiñ

jabki vā'da hai mushk-o-'ambar kā

roTiyāñ kyoñ lapak rahā huuñ maiñ

is muqarrir pe merā saaya hai

guftugū meñ jhalak rahā huuñ maiñ

us ne pūchhā hai ḳhat meñ haal mirā

fitratan phir jhijhak rahā huuñ maiñ

dasht meñ chaar din guzāre haiñ

jugnuoñ sā damak rahā huuñ maiñ

kaun pūchhegā mujh ko mere baa'd

kis kī ḳhātir ye thak rahā huuñ maiñ

ye jo maiñ muskurā ke miltā huuñ

apne girya ko Dhak rahā huuñ maiñ

'dāġh' kahte the kyā ġhazal pyārī

aur misroñ meñ bak rahā huuñ maiñ

kucha kucha bhaTak raha hun main

aasmanon ko tak raha hun main

jabki wa'da hai mushk-o-'ambar ka

roTiyan kyon lapak raha hun main

is muqarrir pe mera saya hai

guftugu mein jhalak raha hun main

us ne puchha hai KHat mein haal mera

fitratan phir jhijhak raha hun main

dasht mein chaar din guzare hain

jugnuon sa damak raha hun main

kaun puchhega mujh ko mere ba'd

kis ki KHatir ye thak raha hun main

ye jo main muskura ke milta hun

apne girya ko Dhak raha hun main

'dagh' kahte the kya ghazal pyari

aur misron mein bak raha hun main