kuza-e-duniya hai apne chaak se bichhDa hua

Jamal Ehsani

kuza-e-duniya hai apne chaak se bichhDa hua

Jamal Ehsani

MORE BYJamal Ehsani

    kūza-e-duniyā hai apne chaak se bichhḌā huā

    aur us ke biich maiñ aflāk se bichhḌā huā

    us jagah maiñ bhī bhaTaktā phir rahā huuñ aaj tak

    jis jagah thā rāsta pechāk se bichhḌā huā

    din guzarte rahe haiñ aur hujūm-e-ḳhush-gumāñ

    muntazir baiThā hai aab o ḳhaak se bichhḌā huā

    sub.h-dam dekhā to ḳhushkī par taḌaptā thā bahut

    ek manzar dīda-e-namnāk se bichhḌā huā

    is jahān-e-ḳhasta se koī tavaqqo hai abas

    ye badan hai ruuh poshāk se bichhḌā huā

    jab bhī taulā be-niyāzī tarāzū meñ use

    vo bhī niklā zabt ke idrāk se bichhḌā huā

    ik sitāra mujh se mil kar ro paḌā thā kal 'jamāl'

    vo falak se aur maiñ thā ḳhaak se bichhḌā huā

    kuza-e-duniya hai apne chaak se bichhDa hua

    aur us ke bich main aflak se bichhDa hua

    us jagah main bhi bhaTakta phir raha hun aaj tak

    jis jagah tha rasta pechaak se bichhDa hua

    din guzarte ja rahe hain aur hujum-e-KHush-guman

    muntazir baiTha hai aab o KHak se bichhDa hua

    subh-dam dekha to KHushki par taDapta tha bahut

    ek manzar dida-e-namnak se bichhDa hua

    is jahan-e-KHasta se koi tawaqqo hai abas

    ye badan hai ruh ki poshak se bichhDa hua

    jab bhi taula be-niyazi ki taraazu mein use

    wo bhi nikla zabt ke idrak se bichhDa hua

    ek sitara mujh se mil kar ro paDa tha kal 'jamal'

    wo falak se aur main tha KHak se bichhDa hua

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY