kya bataen uske bin kaise zindagi kar li
kyā batā.eñ us ke bin kaise zindagī kar lī
dhaḌkaneñ to zinda haiñ dil ne ḳhud-kushī kar lī
maiñ use samajhne ke marhaloñ meñ uljhā thā
us ne jaane chupke se kaise dostī kar lī
dostoñ maiñ andhā huuñ ye ḳhushī bhī kam hai kyā
us ne merī āñkhoñ se ghar meñ raushnī kar lī
niiñd māñgte phirne meñ anā kā saudā thā
is anā meñ ḳhvāboñ se ham ne dushmanī kar lī
zo.am aur anā kā ham aur kyā galā ghoTeñ
us kā har kahā maanā baat jo kahī kar lī
us ke chhoḌ jaane par kuchh na kuchh to karnā thā
kuchh na kar sake āḳhir ham ne shā.irī kar lī
kya bataen us ke bin kaise zindagi kar li
dhaDkanen to zinda hain dil ne KHud-kushi kar li
main use samajhne ke marhalon mein uljha tha
us ne jaane chupke se kaise dosti kar li
doston main andha hun ye KHushi bhi kam hai kya
us ne meri aankhon se ghar mein raushni kar li
nind mangte phirne mein ana ka sauda tha
is ana mein KHwabon se hum ne dushmani kar li
zoam aur ana ka hum aur kya gala ghoTen
us ka har kaha mana baat jo kahi kar li
us ke chhoD jaane par kuchh na kuchh to karna tha
kuchh na kar sake aaKHir hum ne shairi kar li
Source:
Mohabbat Rasty me.n hai (Pg. 159)
- Author: Wajih Sani
-
- Edition: 2016
- Publisher: Samiya Publication
- Year of Publication: 2016
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
