kya bataun kaisa KHud ko dar-ba-dar maine kiya
kyā batā.ūñ kaisā ḳhud ko dar-ba-dar maiñ ne kiyā
umr-bhar kis kis ke hisse kā safar maiñ ne kiyā
tū to nafrat bhī na kar pā.egā is shiddat ke saath
jis balā kā pyaar tujh se be-ḳhabar maiñ ne kiyā
kaise bachchoñ ko batā.ūñ rāstoñ ke pech-o-ḳham
zindagī-bhar to kitāboñ kā safar maiñ ne kiyā
kis ko fursat thī ki batlātā tujhe itnī sī baat
ḳhud se kyā bartāv tujh se chhūT kar maiñ ne kiyā
chand jazbātī se rishtoñ ke bachāne ko 'vasīm'
kaisā kaisā jabr apne aap par maiñ ne kiyā
kya bataun kaisa KHud ko dar-ba-dar main ne kiya
umr-bhar kis kis ke hisse ka safar main ne kiya
tu to nafrat bhi na kar paega is shiddat ke sath
jis bala ka pyar tujh se be-KHabar main ne kiya
kaise bachchon ko bataun raston ke pech-o-KHam
zindagi-bhar to kitabon ka safar main ne kiya
kis ko fursat thi ki batlata tujhe itni si baat
KHud se kya bartaw tujh se chhuT kar main ne kiya
chand jazbaati se rishton ke bachane ko 'wasim'
kaisa kaisa jabr apne aap par main ne kiya
Source:
Mera Kiya (Pg. 63)
- Author: Waseem Barelvi
-
- Edition: 2007
- Publisher: Maktaba Jamia Ltd.
- Year of Publication: 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
