aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kya bataun ki jo hangama bapa hai mujh mein

Irfan Sattar

kya bataun ki jo hangama bapa hai mujh mein

Irfan Sattar

MORE BYIrfan Sattar

    kyā batā.ūñ ki jo hangāma bapā hai mujh meñ

    in dinoñ koī bahut saḳht ḳhafā hai mujh meñ

    us ḳhush-bū kahīñ atrāf meñ phailī huī hai

    sub.h se raqs-kunāñ bād-e-sabā hai mujh meñ

    terī sūrat meñ tujhe DhūñD rahā huuñ maiñ bhī

    ġhāliban bhī mujhe DhūñD rahā hai mujh meñ

    ek samt har ik ḳhvāb chalā jaatā hai

    yaad hai koī naqsh-e-kaf-e-pā hai mujh meñ

    merī be-rāh-ravī is liye sarshār hai

    mere haq meñ koī masrūf-e-duā hai mujh meñ

    apnī sāñsoñ kasāfat se gumāñ hotā hai

    koī imkān abhī ḳhaak huā hai mujh meñ

    ik chubhan hai ki jo bechain kiye rahtī hai

    aisā lagtā hai ki kuchh TuuT gayā hai mujh meñ

    to maiñ ḳhud rihā.ī ke liye huuñ be-tāb

    giraftār koī mere sivā hai mujh meñ

    ā.īna is gavāhī nahīñ detā to na de

    vo ye kahtā hai koī ḳhaas adā hai mujh meñ

    ho ga.ī dil se tirī yaad bhī ruḳhsat shāyad

    āh-o-zārī abhī shor uThā hai mujh meñ

    mujh meñ ābād haiñ ik saath adam aur vajūd

    hast se bar-sar-e-paikār fanā hai mujh meñ

    majlis-e-shām-e-ġharībāñ hai bapā chaar pahar

    mustaqil bas abhī māhaul-e-azā hai mujh meñ

    ho ga.ī shaq to bil-āḳhir ye anā dīvār

    apnī jānib koī darvāza khulā hai mujh meñ

    ḳhuuñ bahātā huā zanjīr-zanī kartā huā

    koī pāgal hai jo behāl huā hai mujh meñ

    us ḳhush-bū se mo'attar hai mirā saarā vajūd

    tere chhūne se jo ik phuul khilā hai mujh meñ

    mujh be-māya kahāñ aur kahāñ zom-e-kalām

    ai mire rabb-e-suḳhan terī atā hai mujh meñ

    tere jaane se yahāñ kuchh nahīñ badlā maslan

    terā baḳhshā huā har zaḳhm harā hai mujh meñ

    kaise mil jaatī hai āvāz-e-azāñ se har sub.h

    raat bhar gūñjne vaalī jo sadā hai mujh meñ

    kitnī sadiyoñ se use DhūñD rahe ho be-sūd

    aao ab merī taraf aao ḳhudā hai mujh meñ

    mujh meñ jannat bhī mirī aur jahannam bhī mirā

    jārī-o-sārī jazā aur sazā hai mujh meñ

    raushnī aise dhaḌakte to na dekhī thī kabhī

    ye jo rah rah ke chamaktā hai ye kyā hai mujh meñ

    kya bataun ki jo hangama bapa hai mujh mein

    in dinon koi bahut saKHt KHafa hai mujh mein

    us ki KHush-bu kahin atraf mein phaili hui hai

    subh se raqs-kunan baad-e-saba hai mujh mein

    teri surat mein tujhe DhunD raha hun main bhi

    ghaaliban tu bhi mujhe DhunD raha hai mujh mein

    ek hi samt har ek KHwab chala jata hai

    yaad hai ya koi naqsh-e-kaf-e-pa hai mujh mein

    meri be-rah-rawi is liye sarshaar si hai

    mere haq mein koi masruf-e-dua hai mujh mein

    apni sanson ki kasafat se guman hota hai

    koi imkan abhi KHak hua hai mujh mein

    ek chubhan hai ki jo bechain kiye rahti hai

    aisa lagta hai ki kuchh TuT gaya hai mujh mein

    ya to main KHud hi rihai ke liye hun be-tab

    ya giraftar koi mere siwa hai mujh mein

    aaina is ki gawahi nahin deta to na de

    wo ye kahta hai koi KHas ada hai mujh mein

    ho gai dil se teri yaad bhi ruKHsat shayad

    aah-o-zari ka abhi shor uTha hai mujh mein

    mujh mein aabaad hain ek sath adam aur wajud

    hast se bar-sar-e-paikar fana hai mujh mein

    majlis-e-sham-e-ghariban hai bapa chaar pahar

    mustaqil bas abhi mahaul-e-aza hai mujh mein

    ho gai shaq to bil-aKHir ye ana ki diwar

    apni jaanib koi darwaza khula hai mujh mein

    KHun bahata hua zanjir-zani karta hua

    koi pagal hai jo behaal hua hai mujh mein

    us ki KHush-bu se mo'attar hai mera sara wajud

    tere chhune se jo ek phul khila hai mujh mein

    mujh sa be-maya kahan aur kahan zom-e-kalam

    ai mere rabb-e-suKHan teri ata hai mujh mein

    tere jaane se yahan kuchh nahin badla maslan

    tera baKHsha hua har zaKHm hara hai mujh mein

    kaise mil jati hai aawaz-e-azan se har subh

    raat bhar gunjne wali jo sada hai mujh mein

    kitni sadiyon se use DhunD rahe ho be-sud

    aao ab meri taraf aao KHuda hai mujh mein

    mujh mein jannat bhi meri aur jahannam bhi mera

    jari-o-sari jaza aur saza hai mujh mein

    raushni aise dhaDakte to na dekhi thi kabhi

    ye jo rah rah ke chamakta hai ye kya hai mujh mein

    RECITATIONS

    Nomaan Shauque

    Nomaan Shauque,

    Nomaan Shauque

    kya bataun ki jo hangama bapa hai mujh mein Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now