kya chaara karen kya sabr karen jab chain hamein din-raat nahin

Arsh Malsiyani

kya chaara karen kya sabr karen jab chain hamein din-raat nahin

Arsh Malsiyani

MORE BYArsh Malsiyani

    kyā chāra kareñ kyā sabr kareñ jab chain hameñ din-rāt nahīñ

    ye apne bas rog nahīñ ye apne bas baat nahīñ

    jo us ne kiyā achchhā kiyā jo ham pe huā achchhā huā

    ab girya-o-ġham kuchh chiiz nahīñ ab nāla-e-ġham kuchh baat nahīñ

    ham sabr-o-razā ke bande haiñ jo tum ne kiyā sab jhel liyā

    ab dil meñ bhī afsos nahīñ ab lab par bhī haihāt nahīñ

    jab ulfat dam bhar baiThe jab chaal ulTī chal baiThe

    nādān ho phir kyuuñ kahte ho is chaal meñ baazī maat nahīñ

    kuchh rañj nahīñ kuchh fikr nahīñ duniyā se alag ho baiThe haiñ

    dil chain se hai ārām se hai ālām nahīñ āfāt nahīñ

    tum lutf ko jaur batāte ho tum nāhaq shor machāte ho

    tum jhūTī baat banāte ho ai 'arsh' ye achchhī baat nahīñ

    kya chaara karen kya sabr karen jab chain hamein din-raat nahin

    ye apne bas ka rog nahin ye apne bas ki baat nahin

    jo us ne kiya achchha hi kiya jo hum pe hua achchha hi hua

    ab girya-o-gham kuchh chiz nahin ab nala-e-gham kuchh baat nahin

    hum sabr-o-raza ke bande hain jo tum ne kiya sab jhel liya

    ab dil mein bhi afsos nahin ab lab par bhi haihat nahin

    jab ulfat ka dam bhar baiThe jab chaal hi ulTi chal baiThe

    nadan ho phir kyun kahte ho is chaal mein bazi mat nahin

    kuchh ranj nahin kuchh fikr nahin duniya se alag ho baiThe hain

    dil chain se hai aaram se hai aalam nahin aafat nahin

    tum lutf ko jaur batate ho tum nahaq shor machate ho

    tum jhuTi baat banate ho ai 'arsh' ye achchhi baat nahin

    Source
    • Book : Kulliyat-e-Arsh (Pg. 40)
    • Author : Arsh Malsiyani
    • Publication : Ali Imran Chaudhary
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY