kya farz hai ye jism ke zindan mein saza de
kyā farz hai ye jism ke zindāñ meñ sazā de
maiñ ḳhaak agar huuñ to havāoñ meñ uḌā de
ik umr se mahsūs kiye jaatā huuñ ḳhud ko
koī mujhe chhūkar mire hone kā patā de
maiñ jumbish-e-añgusht meñ mahfūz rahūñgā
har chand mujhe ret pe tū likh ke miTā de
ujḌā huā ye peḌ bhī de jā.egā manzar
sūkhī hui shāḳhoñ maiñ koī chāñd phañsā de
tū jis ke tasavvur meñ milā kartā hai mujh se
us shaḳhs se merī bhī mulāqāt karā de
bahtī hui is bhiiḌ ke tūfān meñ 'shāhid'
kis lahr ko pakḌe koī aur kis ko sadā de
kya farz hai ye jism ke zindan mein saza de
main KHak agar hun to hawaon mein uDa de
ek umr se mahsus kiye jata hun KHud ko
koi mujhe chhukar mere hone ka pata de
main jumbish-e-angusht mein mahfuz rahunga
har chand mujhe ret pe tu likh ke miTa de
ujDa hua ye peD bhi de jaega manzar
sukhi hui shaKHon main koi chand phansa de
tu jis ke tasawwur mein mila karta hai mujh se
us shaKHs se meri bhi mulaqat kara de
bahti hui is bhiD ke tufan mein 'shahid'
kis lahr ko pakDe koi aur kis ko sada de
Source:
Rooh-e-Ghazal,Pachas Sala Intekhab (Pg. 426)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
