kya hoga andaza thoDi hota hai

kyā hogā andāza thoḌī hotā hai

ham ne vaqt banāyā thoḌī hotā hai

mere saath khaḌī shahzādī lagtī thī

har koī shahzāda thoḌī hotā hai

ham ne māl-e-muft samajh barbād kiyā

jiinā khel tamāshā thoḌī hotā hai

vo jis baat pe jiinā mushkil ho jaa.e

ab is baat pe marnā thoḌī hotā hai

mālik apnī marzī kā bhī mālik hai

mālik ne batlānā thoḌī hotā hai

logoñ ko bas bāteñ karnā aatī haiñ

logoñ ko kuchh karnā thoḌī hotā hai

ham ne bhī thak haar ke āḳhir maan liyā

vaqt ne haath meñ aanā thoḌī hotā hai

darvāze par āñkheñ rakhne vāloñ ke

darvāzoñ par taalā thoḌī hotā hai

kya hoga andaza thoDi hota hai

hum ne waqt banaya thoDi hota hai

mere sath khaDi shahzadi lagti thi

har koi shahzada thoDi hota hai

hum ne mal-e-muft samajh barbaad kiya

jina khel tamasha thoDi hota hai

wo jis baat pe jina mushkil ho jae

ab is baat pe marna thoDi hota hai

malik apni marzi ka bhi malik hai

malik ne batlana thoDi hota hai

logon ko bas baaten karna aati hain

logon ko kuchh karna thoDi hota hai

hum ne bhi thak haar ke aaKHir man liya

waqt ne hath mein aana thoDi hota hai

darwaze par aankhen rakhne walon ke

darwazon par tala thoDi hota hai