kya hua koi sochta bhi nahin

Yasmeen Hameed

kya hua koi sochta bhi nahin

Yasmeen Hameed

MORE BYYasmeen Hameed

    kyā huā koī sochtā bhī nahīñ

    aur kahne ko kuchh huā bhī nahīñ

    jaise gum ho ga.ī shanāḳht mirī

    ab koī mujh ko DhūñDhtā bhī nahīñ

    jis se rahne lage gile mujh ko

    vo abhī mujh ko jāntā bhī nahīñ

    aisā ḳhāmosh bhī nahīñ lagtā

    aur kuchh muñh se boltā bhī nahīñ

    chāhtā hai javāb bhī saare

    aur kuchh mujh se pūchhtā bhī nahīñ

    mustarad bhī kabhī nahīñ kartā

    vo mirī baat māntā bhī nahīñ

    daad detā hai jītne pe mujhe

    aur kabhī mujh se hārtā bhī nahīñ

    ḳhvāb tak mere chhīn letā hai

    aur kuchh mujh se māñgtā bhī nahīñ

    us taraf sab charāġh jalte haiñ

    jis taraf koī rāsta bhī nahīñ

    raat din par muhīt hai to rahe

    raushnī koī chāhtā bhī nahīñ

    Dūbte āftāb jānib

    der tak koī dekhtā bhī nahīñ

    kya hua koi sochta bhi nahin

    aur kahne ko kuchh hua bhi nahin

    jaise gum ho gai shanaKHt meri

    ab koi mujh ko DhunDhta bhi nahin

    jis se rahne lage gile mujh ko

    wo abhi mujh ko jaanta bhi nahin

    aisa KHamosh bhi nahin lagta

    aur kuchh munh se bolta bhi nahin

    chahta hai jawab bhi sare

    aur kuchh mujh se puchhta bhi nahin

    mustarad bhi kabhi nahin karta

    wo meri baat manta bhi nahin

    dad deta hai jitne pe mujhe

    aur kabhi mujh se haarta bhi nahin

    KHwab tak mere chhin leta hai

    aur kuchh mujh se mangta bhi nahin

    us taraf sab charagh jalte hain

    jis taraf koi rasta bhi nahin

    raat din par muhit hai to rahe

    raushni koi chahta bhi nahin

    Dubte aaftab ki jaanib

    der tak koi dekhta bhi nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY