kya jaane kahan bahr-e-ulfat ka kinara hai
kyā jaane kahāñ bahr-e-ulfat kā kinārā hai
har mauj ke siine meñ kashtī ko utārā hai
ab aah ruke kyūñkar ab ashk thameñ kaise
chaltī huī āñdhī hai bahtā huā dhārā
tūfān tadabbur hai gahrā.ī tadabbur kī
maiñ ne tah-e-dariyā se sāhil ko ubhārā hai
parvāne charāġhoñ par girne lage mastī meñ
ye mahfil-e-hastī meñ kaun anjuman-ārā hai
sab saaz ke hāmil haiñ naġhma ho ki naala ho
naala bhī gavārā kar naġhma jo gavārā hai
'maḳhmūr' ko jiine do āñkhoñ hī se piine do
ye bāda-kash-e-ulfat nazroñ hī kā maarā hai
kya jaane kahan bahr-e-ulfat ka kinara hai
har mauj ke sine mein kashti ko utara hai
ab aah ruke kyunkar ab ashk thamen kaise
chalti hui aandhi hai bahta hua dhaara
tufan tadabbur hai gahrai tadabbur ki
main ne tah-e-dariya se sahil ko ubhaara hai
parwane charaghon par girne lage masti mein
ye mahfil-e-hasti mein kaun anjuman-ara hai
sab saz ke hamil hain naghma ho ki nala ho
nala bhi gawara kar naghma jo gawara hai
'maKHmur' ko jine do aankhon hi se pine do
ye baada-kash-e-ulfat nazron hi ka mara hai
Source:
Jalwa Gah (Pg. 126)
- Author: Makhmoor Jalandhari
-
- Edition: 1942
- Publisher: Intikhab Press, Lahore
- Year of Publication: 1942
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
