kya jaane kis KHumar mein kis josh mein gira
kyā jaane kis ḳhumār meñ kis josh meñ girā
vo phal shajar se jo mirī āġhosh meñ girā
kuchh dā.ere se ban ga.e sat.h-e-ḳhayāl par
jab koī phuul sāġhar-e-mai-nosh meñ girā
baaqī rahī na phir vo sunahrī lakīr bhī
taarā jo TuuT kar shab-e-ḳhāmosh meñ girā
uḌtā rahā to chāñd se yaarā na thā mirā
ghāyal huā to vādī-e-gul-posh meñ girā
be-ābrū na thī koī laġhzish mirī 'qatīl'
maiñ jab girā jahāñ bhī girā hosh meñ girā
kya jaane kis KHumar mein kis josh mein gira
wo phal shajar se jo meri aaghosh mein gira
kuchh daere se ban gae sath-e-KHayal par
jab koi phul saghar-e-mai-nosh mein gira
baqi rahi na phir wo sunahri lakir bhi
tara jo TuT kar shab-e-KHamosh mein gira
uDta raha to chand se yara na tha mera
ghayal hua to wadi-e-gul-posh mein gira
be-abru na thi koi laghzish meri 'qatil'
main jab gira jahan bhi gira hosh mein gira
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
