kya jurm hamara hai bata kyun nahin dete

Hafeez Banarasi

kya jurm hamara hai bata kyun nahin dete

Hafeez Banarasi

MORE BYHafeez Banarasi

    kyā jurm hamārā hai batā kyuuñ nahīñ dete

    mujrim haiñ agar ham to sazā kyuuñ nahīñ dete

    kyā jalva-e-ma.anī hai dikhā kyuuñ nahīñ dete

    dīvār-e-hijābāt girā kyuuñ nahīñ dete

    tum ko to baḌā nāz-e-masīhā.ī thā yaaro

    bīmār hai har shaḳhs davā kyuuñ nahīñ dete

    kis dasht meñ gum ho ga.e ahbāb hamāre

    ham kaan lagā.e haiñ sadā kyuuñ nahīñ dete

    kam-zarf haiñ jo ke bahut ke haiñ sar-e-bazm

    mahfil se unheñ aap uThā kyuuñ nahīñ dete

    kyuuñ haath meñ larza hai tumheñ ḳhauf hai kis

    ham harf-e-ġhalat haiñ to miTā kyuuñ nahīñ dete

    kuchh log abhī ishq meñ gustāḳh bahut haiñ

    ādāb-e-vafā un ko sikhā kyuuñ nahīñ dete

    naġhma vahī naġhma hai utar jaa.e jo dil meñ

    duniyā ko 'hafīz' aap batā kyuuñ nahīñ dete

    kya jurm hamara hai bata kyun nahin dete

    mujrim hain agar hum to saza kyun nahin dete

    kya jalwa-e-mani hai dikha kyun nahin dete

    diwar-e-hijabaat gira kyun nahin dete

    tum ko to baDa naz-e-masihai tha yaro

    bimar hai har shaKHs dawa kyun nahin dete

    kis dasht mein gum ho gae ahbab hamare

    hum kan lagae hain sada kyun nahin dete

    kam-zarf hain jo pi ke bahut ke hain sar-e-bazm

    mahfil se unhen aap uTha kyun nahin dete

    kyun hath mein larza hai tumhein KHauf hai kis ka

    hum harf-e-ghalat hain to miTa kyun nahin dete

    kuchh log abhi ishq mein gustaKH bahut hain

    aadab-e-wafa un ko sikha kyun nahin dete

    naghma wahi naghma hai utar jae jo dil mein

    duniya ko 'hafiz' aap bata kyun nahin dete

    Source :
    • Book : Safeer-e-shar-e-dil (Pg. 308)
    • Author : Hafeez Banarsi
    • Publication : Hafeez Banarsi (2007)
    • Edition : 2007
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY