kya kaam unhen pursish-e-arbab-e-wafa se

Hasrat Mohani

kya kaam unhen pursish-e-arbab-e-wafa se

Hasrat Mohani

MORE BY Hasrat Mohani

    kyā kaam unheñ pursish-e-arbāb-e-vafā se

    martā hai to mar jaa.e koī un balā se

    mujh se bhī ḳhafā ho mirī aahoñ se bhī barham

    tum bhī ho ajab chiiz ki laḌte ho havā se

    dāman ko bachātā hai vo kāfir ki mabādā

    chhū jaa.e kahīñ pāki-e-ḳhūn-e-shohdā se

    dīvāna kiyā sāqi-e-mahfil ne sabhī ko

    koī na bachā us nazar-e-hosh-rubā se

    ik ye bhī haqīqat meñ hai shān-e-karam un

    zāhir meñ vo rahte haiñ jo har vaqt ḳhafā se

    āgāh-e-ġham-e-ishq nahīñ vo shah-e-ḳhūbāñ

    aur ye bhī jo ho jaa.e faqīroñ duā se

    qaa.il hue rindān-e-ḳharābāt ke 'hasrat'

    jab kuchh na milā ham ko giroh-e-urfā se

    kya kaam unhen pursish-e-arbab-e-wafa se

    marta hai to mar jae koi un ki bala se

    mujh se bhi KHafa ho meri aahon se bhi barham

    tum bhi ho ajab chiz ki laDte ho hawa se

    daman ko bachata hai wo kafir ki mabaada

    chhu jae kahin paki-e-KHun-e-shohda se

    diwana kiya saqi-e-mahfil ne sabhi ko

    koi na bacha us nazar-e-hosh-ruba se

    ek ye bhi haqiqat mein hai shan-e-karam un ki

    zahir mein wo rahte hain jo har waqt KHafa se

    aagah-e-gham-e-ishq nahin wo shah-e-KHuban

    aur ye bhi jo ho jae faqiron ki dua se

    qail hue rindan-e-KHarabaat ke 'hasrat'

    jab kuchh na mila hum ko giroh-e-urfa se

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY