kya kahun tum se main yaro kaun hun

kyā kahūñ tum se maiñ yaaro kaun huuñ

huuñ sarāpā qais-e-sahrā-e-junūñ

chashm-e-ḳhūñ-afshāñ mirī ro deñ agar

dasht ho jaave abhī dariyā-e-ḳhūñ

daar par rakkheñ mujheñ mansūr-vār

faash kar duuñ maiñ agar rāz-e-darūñ

ishq hai ganjīna-e-asrār-e-haq

pā nahīñ saktī ise aql-e-zabūñ

kaun kar saktā hai mujh dīvāna kaun

qaid juz zanjīr-o-zulf-e-pur-fusūñ

rū-ba-rū mastān jām-e-ishq ke

diin kyā hai aur kyā duniyā-e-dūñ

ab to 'āsim' ishq-e-ḳhādim-shāh meñ

huuñ sarāpā qais-e-sahrā-e-junūñ

kya kahun tum se main yaro kaun hun

hun sarapa qais-e-sahra-e-junun

chashm-e-KHun-afshan meri ro den agar

dasht ho jawe abhi dariya-e-KHun

dar par rakkhen mujhen mansur-war

fash kar dun main agar raaz-e-darun

ishq hai ganjina-e-asrar-e-haq

pa nahin sakti ise aql-e-zabun

kaun kar sakta hai mujh diwana kaun

qaid juz zanjir-o-zulf-e-pur-fusun

ru-ba-ru mastan jam-e-ishq ke

din kya hai aur kya duniya-e-dun

ab to 'asim' ishq-e-KHadim-shah mein

hun sarapa qais-e-sahra-e-junun