kya kare haal-e-dil bayan koi
kyā kare hāl-e-dil bayāñ koī
na rahā zeb-e-dāstāñ koī
phir hai qalb-o-nazar meñ yaksūī
kaash aa jaa.e nā-gahāñ koī
aañkh shabnam kī dekhtī hai kise
chāñdnī meñ huā javāñ koī
shahr se duur din kā phuul khilā
dasht meñ bhī hai gulsitāñ koī
dil bhī hamrāz-e-ārzū niklā
ab nahīñ apnā rāz-dāñ koī
chhoḌ dukh-sukh kī manziloñ kā tavāf
dil miyāñ DhūñD āstāñ koī
duur apnoñ se ho rahe haiñ log
dekhiye kab mile kahāñ koī
kya kare haal-e-dil bayan koi
na raha zeb-e-dastan koi
phir hai qalb-o-nazar mein yaksui
kash aa jae na-gahan koi
aankh shabnam ki dekhti hai kise
chandni mein hua jawan koi
shahr se dur din ka phul khila
dasht mein bhi hai gulsitan koi
dil bhi hamraaz-e-arzu nikla
ab nahin apna raaz-dan koi
chhoD dukh-sukh ki manzilon ka tawaf
dil miyan DhunD aastan koi
dur apnon se ho rahe hain log
dekhiye kab mile kahan koi
Source:
Rahat-e-Gumnam (Pg. 10)
- Author: Ghalib Ahmad
-
- Publisher: Niyaz Ahmad
- Year of Publication: 1981
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
