aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kya KHabar thi ki kabhi be-sar-o-saman honge

Baqar Mehdi

kya KHabar thi ki kabhi be-sar-o-saman honge

Baqar Mehdi

MORE BYBaqar Mehdi

    kyā ḳhabar thī ki kabhī be-sar-o-sāmāñ hoñge

    fasl-e-gul aate is tarh se vīrāñ hoñge

    dar-ba-dar phirte rahe ḳhaak uḌāte guzrī

    vahshat-e-dil tire kyā aur bhī ehsāñ hoñge

    raakh hone lagīñ jal jal ke tamannā.eñ magar

    hasrateñ kahtī haiñ kuchh aur bhī armāñ hoñge

    ye to āġhāz-e-masā.ib hai na ghabrā ai dil

    ham abhī aur abhī aur pareshāñ hoñge

    merī duniyā meñ tire husn rānā.ī hai

    tere siine meñ mire ishq ke tūfāñ hoñge

    kāfirī ishq sheva hai magar tere liye

    is na.e daur meñ ham phir se musalmāñ hoñge

    laakh dushvār ho milnā magar ai jān-e-jahāñ

    tujh se milne ke isī daur meñ imkāñ hoñge

    inhī sheroñ pe jhūmegī ba-andāz-e-digar

    ham tirī bazm meñ ik roz ġhazal-ḳhvāñ hoñge

    kya KHabar thi ki kabhi be-sar-o-saman honge

    fasl-e-gul aate hi is tarh se viran honge

    dar-ba-dar phirte rahe KHak uDate guzri

    wahshat-e-dil tere kya aur bhi ehsan honge

    rakh hone lagin jal jal ke tamannaen magar

    hasraten kahti hain kuchh aur bhi arman honge

    ye to aaghaz-e-masaib hai na ghabra ai dil

    hum abhi aur abhi aur pareshan honge

    meri duniya mein tere husn ki ranai hai

    tere sine mein mere ishq ke tufan honge

    kafiri ishq ka shewa hai magar tere liye

    is nae daur mein hum phir se musalman honge

    lakh dushwar ho milna magar ai jaan-e-jahan

    tujh se milne ke isi daur mein imkan honge

    tu inhi sheron pe jhumegi ba-andaz-e-digar

    hum teri bazm mein ek roz ghazal-KHwan honge

    RECITATIONS

    Nomaan Shauque

    Nomaan Shauque,

    Nomaan Shauque

    kya KHabar thi ki kabhi be-sar-o-saman honge Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now