kya kya hain gile usko bata kyun nahin deta

Ibn-e-Raza

kya kya hain gile usko bata kyun nahin deta

Ibn-e-Raza

MORE BY Ibn-e-Raza

    kyā kyā haiñ gile us ko batā kyuuñ nahīñ detā

    ta.azīr-e-ḳhatā mujh ko sunā kyuuñ nahīñ detā

    haiñ nāvak-e-dil-doz mire yaar ke tevar

    ik baar vo sab tiir chalā kyuuñ nahīñ detā

    yak-tarfa mohabbat ke tazabzub se to niklūñ

    is raaz se parda vo haTā kyuuñ nahīñ detā

    likhtā bhī hai mujh ko sar-e-qirtās-e-mohabbat

    mazmūm jo lagtā huuñ miTā kyuuñ nahīñ detā

    itnā fasurda hai agar haal pe mere

    jalva kabhī apnā vo dikhā kyuuñ nahīñ detā

    sar-garm-e-safar huuñ maiñ tire dasht meñ kab se

    mujh ko mirī manzil patā kyuuñ nahīñ detā

    ḳhvābīda-nasībī bhī to terī atā hai

    soī mirī taqdīr jagā kyuuñ nahīñ detā

    jo tāb-e-tamāshā nahīñ us meñ 'razā'

    vo ātish-e-furqat ko bujhā kyuuñ nahīñ detā

    kya kya hain gile us ko bata kyun nahin deta

    tazir-e-KHata mujh ko suna kyun nahin deta

    hain nawak-e-dil-doz mere yar ke tewar

    ek bar wo sab tir chala kyun nahin deta

    yak-tarfa mohabbat ke tazabzub se to niklun

    is raaz se parda wo haTa kyun nahin deta

    likhta bhi hai mujh ko sar-e-qirtas-e-mohabbat

    mazmum jo lagta hun miTa kyun nahin deta

    itna hi fasurda hai agar haal pe mere

    jalwa kabhi apna wo dikha kyun nahin deta

    sar-garm-e-safar hun main tere dasht mein kab se

    mujh ko meri manzil ka pata kyun nahin deta

    KHwabida-nasibi bhi to teri hi ata hai

    soi meri taqdir jaga kyun nahin deta

    jo tab-e-tamasha hi nahin us mein 'raza' tu

    wo aatish-e-furqat ko bujha kyun nahin deta

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY