kya kya supurd-e-KHak hue namwar tamam

kyā kyā supurd-e-ḳhāk hue nāmvar tamām

ik roz sab ko karnā hai apnā safar tamām

merī nazar ne luuT liye jalva-hā-e-husn

hasrat se dekhte hī rahe dīda-var tamām

tum ne to apnā kah ke mujhe luuT hī liyā

mātam-kunāñ hai mere liye ghar kā ghar tamām

maanā ki mere lab na hile ro.ab-e-husn se

rūdād-e-dil to kah hī ga.ī chashm-e-tar tamām

ab dīdanī hai aap ke bīmār-e-ġham kā haal

māyūs aa rahe haiñ nazar chāra-gar tamām

rāh-e-vafā meñ had se ham aage guzar ga.e

do-gām chal ke baiTh ga.e rāhbar tamām

chhoḌe haiñ ham ne naqsh-e-mohabbat har ik jagah

vāqif hamāre haal se haiñ bām-o-dar tamām

kya kya supurd-e-KHak hue namwar tamam

ek roz sab ko karna hai apna safar tamam

meri nazar ne luT liye jalwa-ha-e-husn

hasrat se dekhte hi rahe dida-war tamam

tum ne to apna kah ke mujhe luT hi liya

matam-kunan hai mere liye ghar ka ghar tamam

mana ki mere lab na hile roab-e-husn se

rudad-e-dil to kah hi gai chashm-e-tar tamam

ab didani hai aap ke bimar-e-gham ka haal

mayus aa rahe hain nazar chaara-gar tamam

rah-e-wafa mein had se hum aage guzar gae

do-gam chal ke baiTh gae rahbar tamam

chhoDe hain hum ne naqsh-e-mohabbat har ek jagah

waqif hamare haal se hain baam-o-dar tamam