kya kya wo hamein suna gaya hai

kyā kyā vo hameñ sunā gayā hai

rah rah ke ḳhayāl aa rahā hai

ik baat na kah ke aaj koī

bātoñ meñ hameñ harā gayā hai

tum ḳhush nahīñ hoge ham se mil ke

aa jā.eñge ham hamārā kyā hai

ham laakh javāz DhūñDte hoñ

jo kaam burā hai vo burā hai

kyā fā.eda fā.ede kā yaaro

nuqsān meñ kyā muzā.iqa hai

tum Thiik hī kah rahe the us din

kuchh ham ne bhī in dinoñ sunā hai

jitnī hai tirī nigāh qātil

utnī tire haath meñ shifā hai

do-shāḳha hai mere zehn meñ kyoñ

jab sāmne ek rāsta hai

kahne ko harā-bharā hai lekin

andar se daraḳht khokhlā hai

ḳhush karne ko jo kahī thī tū ne

'bāsir' usī baat par ḳhafā hai

kya kya wo hamein suna gaya hai

rah rah ke KHayal aa raha hai

ek baat na kah ke aaj koi

baaton mein hamein hara gaya hai

tum KHush nahin hoge hum se mil ke

aa jaenge hum hamara kya hai

hum lakh jawaz DhunDte hon

jo kaam bura hai wo bura hai

kya faeda faede ka yaro

nuqsan mein kya muzaiqa hai

tum Thik hi kah rahe the us din

kuchh hum ne bhi in dinon suna hai

jitni hai teri nigah qatil

utni tere hath mein shifa hai

do-shaKHa hai mere zehn mein kyon

jab samne ek rasta hai

kahne ko hara-bhara hai lekin

andar se daraKHt khokhla hai

KHush karne ko jo kahi thi tu ne

'basir' usi baat par KHafa hai