kya mera bas hai zabt jo soz-e-jigar na ho
kya mera bas hai zabt jo soz-e-jigar na ho
Munshi Banwari Lal Shola
MORE BYMunshi Banwari Lal Shola
kyā merā bas hai zabt jo soz-e-jigar na ho
o sard-mehr aag mirī baat par na ho
saudā na ho junūñ na ho ḳhanjar kā Dar na ho
kitnā subuk ho jism jo gardan pe sar na ho
chaliye vo raah jis meñ ġham-e-rāhbar na ho
duniyā se yuuñ uTho ki kisī ko ḳhabar na ho
kahte ho mujh ko raat ke va.ade pe jaane de
ye us se kahiye jis ko tumhārī ḳhabar na ho
tum ko chhupā.ūñ aañkh ke pardoñ meñ raat din
gar ashk-e-raḳhna-sāz mirā parda-dar na ho
kya mera bas hai zabt jo soz-e-jigar na ho
o sard-mehr aag meri baat par na ho
sauda na ho junun na ho KHanjar ka Dar na ho
kitna subuk ho jism jo gardan pe sar na ho
chaliye wo rah jis mein gham-e-rahbar na ho
duniya se yun uTho ki kisi ko KHabar na ho
kahte ho mujh ko raat ke wade pe jaane de
ye us se kahiye jis ko tumhaari KHabar na ho
tum ko chhupaun aankh ke pardon mein raat din
gar ashk-e-raKHna-saz mera parda-dar na ho
Source:
Kulliyat-e-Shola (Pg. 250)
- Author: Munshi Banwari Lal Shola
-
- Year of Publication: 1924
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
