kya milega koi hasin na kahin
kyā milegā koī hasīñ na kahīñ
jī bahal jā.egā kahīñ na kahīñ
hai kudūrat bharī huī us meñ
āsmāñ par bhī ho zamīñ na kahīñ
haal pahlū bachā ke likkhā hai
taaḌ jaa.e vo nukta-chīñ na kahīñ
aap kī guftugū kā kyā kahnā
chaar bāteñ bhī dil-nashīñ na kahīñ
ġhair detā hai kyoñ mujhe sāġhar
saañp ho zer-e-āstīñ na kahīñ
tere āshiq haiñ kāfir-o-dīñdār
ek ho jaa.e kufr-o-dīñ na kahīñ
'dāġh' phir taak jhāñk karte haiñ
ab ghire ab phañse kahīñ na kahīñ
kya milega koi hasin na kahin
ji bahal jaega kahin na kahin
hai kudurat bhari hui us mein
aasman par bhi ho zamin na kahin
haal pahlu bacha ke likkha hai
taD jae wo nukta-chin na kahin
aap ki guftugu ka kya kahna
chaar baaten bhi dil-nashin na kahin
ghair deta hai kyon mujhe saghar
sanp ho zer-e-astin na kahin
tere aashiq hain kafir-o-dindar
ek ho jae kufr-o-din na kahin
'dagh' phir tak jhank karte hain
ab ghire ab phanse kahin na kahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
