kyā navā-e-abas ai ġhuncha-dahan karte haiñ
baaġh meñ terī sifat murġh-e-chaman karte haiñ
guftugū bazm-e-jahāñ meñ hai tirī bātoñ kī
zikr terā hī tamām ahl-e-suḳhan karte haiñ
tujh ko le jaa.eñ chaman meñ to bigaḌ jaa.e havā
ham faqat ḳhātir-e-murġhān-e-chaman karte haiñ
jism-e-ḳhākī meñ mirī ruuh yahī kartī hai
qafas-e-tang meñ jo murġh-e-chaman karte haiñ
sarv-qad ġhuncha-dahan sumbul-o-gul gesū-o-ruḳh
tujh ko kyā dekhte haiñ sair-e-chaman karte haiñ
dekhne aate haiñ merā tan-e-pur-dāġh ai 'rashk'
log juuhī meñ tamāshā-e-chaman karte haiñ
kya nawa-e-abas ai ghuncha-dahan karte hain
bagh mein teri sifat murgh-e-chaman karte hain
guftugu bazm-e-jahan mein hai teri baaton ki
zikr tera hi tamam ahl-e-suKHan karte hain
tujh ko le jaen chaman mein to bigaD jae hawa
hum faqat KHatir-e-murghan-e-chaman karte hain
jism-e-KHaki mein meri ruh yahi karti hai
qafas-e-tang mein jo murgh-e-chaman karte hain
sarw-qad ghuncha-dahan sumbul-o-gul gesu-o-ruKH
tujh ko kya dekhte hain sair-e-chaman karte hain
dekhne aate hain mera tan-e-pur-dagh ai 'rashk'
log juhi mein tamasha-e-chaman karte hain
Source:
Intikhab-e-Rashk (Pg. 24)
-
- Publisher: Uttar Pradesh Urdu Academy, Lucknow
- Year of Publication: 1983
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.