kya qayamat ka din baDa hoga
kyā qayāmat kā din baḌā hogā
kuchh shab-e-hijr se sivā hogā
barq ho kar giregā phir mujh par
naala merā agar rasā hogā
sunte haiñ miT gayā hai koī naqsh
vo hamārā hī mudda.ā hogā
rashk-e-iqbāl-ġhair bejā hai
tū kisī kā kab āshnā hogā
hai talab kī yahī ravish varna
ek bose meñ kyā bhalā hogā
kya qayamat ka din baDa hoga
kuchh shab-e-hijr se siwa hoga
barq ho kar girega phir mujh par
nala mera agar rasa hoga
sunte hain miT gaya hai koi naqsh
wo hamara hi muddaa hoga
rashk-e-iqbaal-ghair beja hai
tu kisi ka kab aashna hoga
hai talab ki yahi rawish warna
ek bose mein kya bhala hoga
Source:
Shareek-e-Ghalib (Pg. 20)
- Author: Navab Mohammad Yusuf Ali Khan Bahadur
-
- Publisher: Institute of Oriental Studies, Rampur
- Year of Publication: 1970
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
