kya rafu ho zindagi sozan juda dhage alag

kyā rafū ho zindagī sozan judā dhāge alag

ḳhvāhish-e-dil ālam-e-imkān se laage alag

soch ye bhī tū kabhī ai juzv-e-takmīl-e-vajūd

jism ho kyā mo'atabar saaya jahāñ laage alag

kār-e-lā-hāsil nahīñ thī vaqt kī baḳhiya-garī

par zamāna kar rahā hai zaḳhm se dhāge alag

manzil-e-hastī talak to saath ke imkān the

yuuñ bhī ho jaanā thā jā kar ik zarā aage alag

shauq-e-zebā.ish meñ ham ko fikr le aa.ī jahāñ

ḳhaak kā putlā jamāl-e-ḳhāk se laage alag

kyā yahī hai aañkh kī vaadī meñ basne kā samar

do parinde umr bhar taḌpe alag jaage alag

ḳhāliq-e-husn-e-taḳhayyul huuñ Thikāna hai mirā

ālam-e-sat.h-e-nazāra se zarā aage alag

kya rafu ho zindagi sozan juda dhage alag

KHwahish-e-dil aalam-e-imkan se lage alag

soch ye bhi tu kabhi ai juzw-e-takmil-e-wajud

jism ho kya mo'atabar saya jahan lage alag

kar-e-la-hasil nahin thi waqt ki baKHiya-gari

par zamana kar raha hai zaKHm se dhage alag

manzil-e-hasti talak to sath ke imkan the

yun bhi ho jaana tha ja kar ek zara aage alag

shauq-e-zebaish mein hum ko fikr le aai jahan

KHak ka putla jamal-e-KHak se lage alag

kya yahi hai aankh ki wadi mein basne ka samar

do parinde umr bhar taDpe alag jage alag

KHaliq-e-husn-e-taKHayyul hun Thikana hai mera

aalam-e-sath-e-nazara se zara aage alag