kya sabab bataen hum apni is udasi ka

kyā sabab batā.eñ ham apnī is udāsī kā

rāsta nahīñ miltā dard ko nikāsī kā

ek tez jhoñke meñ uḌ ga.e sabhī ḳheme

dil bhī kyā kare shikva apnī be-asāsī kā

har taraf ḳhamoshī kī ik dabīz chādar hai

ham ne karb jhelā hai apnī ḳhud-shanāsī kā

zaḳhm zaḳhm chehre par qahqahe sajā Daale

raaz bhī chhupānā thā apnī bad-havāsī kā

tum ga.e to kuchh aise lauT kar nahīñ aa.e

haal bhī nahīñ pūchhā is nagar ke baasī kā

maiñ ne apne ashkoñ ko aañkh meñ jalā Daalā

kyā kare gila koī terī nā-sipāsī kā

kya sabab bataen hum apni is udasi ka

rasta nahin milta dard ko nikasi ka

ek tez jhonke mein uD gae sabhi KHeme

dil bhi kya kare shikwa apni be-asasi ka

har taraf KHamoshi ki ek dabiz chadar hai

hum ne karb jhela hai apni KHud-shanasi ka

zaKHm zaKHm chehre par qahqahe saja Dale

raaz bhi chhupana tha apni bad-hawasi ka

tum gae to kuchh aise lauT kar nahin aae

haal bhi nahin puchha is nagar ke basi ka

main ne apne ashkon ko aankh mein jala Dala

kya kare gila koi teri na-sipasi ka