kya sahl samjhe ho kahin dhabba chhuTa na ho

kyā sahl samjhe ho kahīñ dhabbā chhuTā na ho

zālim ye merā ḳhuun hai rañg-e-hinā na ho

yārab mujhe hai dāġh-e-tamannā bahut aziiz

pahlū se dil judā ho magar ye judā na ho

rāheñ nikāltā hai yahī soz-o-sāz kī

pahlū meñ dil na ho to koī hausla na ho

tum aur vafā karo ye na mānūñgā maiñ kabhī

us ko fareb do jo tumheñ jāntā na ho

kyā kyā 'sharar' zalīl hue aabrū ga.ī

aisā bhī āshiqī kā kisī ko mazā na ho

kya sahl samjhe ho kahin dhabba chhuTa na ho

zalim ye mera KHun hai rang-e-hina na ho

yarab mujhe hai dagh-e-tamanna bahut aziz

pahlu se dil juda ho magar ye juda na ho

rahen nikalta hai yahi soz-o-saz ki

pahlu mein dil na ho to koi hausla na ho

tum aur wafa karo ye na manunga main kabhi

us ko fareb do jo tumhein jaanta na ho

kya kya 'sharar' zalil hue aabru gai

aisa bhi aashiqi ka kisi ko maza na ho