kya wo ab nadim hain apne jaur ki rudad se
kyā vo ab nādim haiñ apne jaur kī rūdād se
laa.e haiñ meraTh jo āḳhir mujh ko faizabad se
sair-e-gul ko aa.ī thī jis dam savārī aap kī
phuul uTThā thā chaman faḳhr-e-mubārakbād se
har kas-o-nā-kas ho kyūñkar kām-gār-e-be-ḳhudī
ye hunar sīkhā hai dil ne ik baḌe ustād se
ik jahāñ mast-e-mohabbat hai ki har sū bū-e-uns
chhā.ī hai un gesuoñ kī nik.hat-e-barbād se
ab talak maujūd hai kuchh kuchh lagā laa.e the ham
vo jo ik lapkā kabhī na ḳhāk-e-jahāñ ābād se
dāva-e-taqvā kā 'hasrat' kis ko aatā hai yaqīñ
aap aur jaate raheñ pīr-e-muġhāñ kī yaad se
kya wo ab nadim hain apne jaur ki rudad se
lae hain meraTh jo aaKHir mujh ko faizabad se
sair-e-gul ko aai thi jis dam sawari aap ki
phul uTTha tha chaman faKHr-e-mubarakbaad se
har kas-o-na-kas ho kyunkar kaam-gar-e-be-KHudi
ye hunar sikha hai dil ne ek baDe ustad se
ek jahan mast-e-mohabbat hai ki har su bu-e-uns
chhai hai un gesuon ki nikhat-e-barbaad se
ab talak maujud hai kuchh kuchh laga lae the hum
wo jo ek lapka kabhi na KHak-e-jahan aabaad se
dawa-e-taqwa ka 'hasrat' kis ko aata hai yaqin
aap aur jate rahen pir-e-mughan ki yaad se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.