kya zamana tha ki hum rose mila karte the

kyā zamāna thā ki ham roz milā karte the

rāt-bhar chāñd ke hamrāh phirā karte the

jahāñ tanhā.iyāñ sar phoḌ ke so jaatī haiñ

in makānoñ meñ ajab log rahā karte the

kar diyā aaj zamāne ne unheñ bhī majbūr

kabhī ye log mire dukh kī davā karte the

dekh kar jo hameñ chup-chāp guzar jaatā hai

kabhī us shaḳhs ko ham pyaar kiyā karte the

ittifāqāt-e-zamāna bhī ajab haiñ nāsir

aaj vo dekh rahe haiñ jo sunā karte the

kya zamana tha ki hum roz mila karte the

raat-bhar chand ke hamrah phira karte the

jahan tanhaiyan sar phoD ke so jati hain

in makanon mein ajab log raha karte the

kar diya aaj zamane ne unhen bhi majbur

kabhi ye log mere dukh ki dawa karte the

dekh kar jo hamein chup-chap guzar jata hai

kabhi us shaKHs ko hum pyar kiya karte the

ittifaqat-e-zamana bhi ajab hain nasir

aaj wo dekh rahe hain jo suna karte the