kya zaruri hai koi be-sabab aazar bhi ho
Interesting Fact
6 May 1988, Delhi
kyā zarūrī hai koī be-sabab āzār bhī ho
sañg apne liye shīshe kā talabgār bhī ho
dilbarī husn kā sheva hai magar kyā kiije
ab ye lāzim to nahīñ husn vafādār bhī ho
zaḳhm-e-jāñ vaqt ke kāñToñ se bhī sil saktā hai
kyā zarūrī hai ki resham kā koī taar bhī ho
fāsla rakhiye diloñ meñ magar itnā bhī nahīñ
darmiyāñ jaise koī āhanī dīvār bhī ho
do kināroñ kī tarah saath hī chalte rahiye
ab zarūrī to nahīñ koī sarokār bhī ho
koī is dard ke rishte ko nibhā.e kyuuñ kar
chārasāzī jo kare vo koī ġham-ḳhvār bhī ho
shīsha-e-jāñ ko bachāne kī ye koshish 'tanvīr'
shāyad is shahr-e-sitam ke liye bekār bhī ho
kya zaruri hai koi be-sabab aazar bhi ho
sang apne liye shishe ka talabgar bhi ho
dilbari husn ka shewa hai magar kya kije
ab ye lazim to nahin husn wafadar bhi ho
zaKHm-e-jaan waqt ke kanTon se bhi sil sakta hai
kya zaruri hai ki resham ka koi tar bhi ho
fasla rakhiye dilon mein magar itna bhi nahin
darmiyan jaise koi aahani diwar bhi ho
do kinaron ki tarah sath hi chalte rahiye
ab zaruri to nahin koi sarokar bhi ho
koi is dard ke rishte ko nibhae kyun kar
chaarasazi jo kare wo koi gham-KHwar bhi ho
shisha-e-jaan ko bachane ki ye koshish 'tanwir'
shayad is shahr-e-sitam ke liye bekar bhi ho
Source:
Raqs-e-lamhaat (Pg. B-33 E-34)
- Author: Tanveer Ahmad Alvi
-
- Edition: 1998
- Publisher: Tanveer Ahmad Alvi
- Year of Publication: 1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
