kya zaruri ki girun main to sanbhaale koi

kyā zarūrī ki girūñ maiñ to sañbhāle koī

aur mire paañv kā kāñTā bhī nikāle koī

ḳhushbuoñ kī tarah chāheñge zamāne vaale

pahle kirdār ko phūloñ sā banā le koī

aaj ke daur meñ shohrat kī tamanna ho agar

apne chehre pe ka.ī chehre lagā le koī

ik diyā ham ne jalāyā jo sar-e-rāhguzar

kar na de us ko havāoñ ke havāle koī

shab kī tārīkī meñ bhī nuur kā aalam hogā

pahle palkoñ pe sitāroñ ko sajā le koī

chāhe to apne har ik husn-e-amal se 'āfāq'

apne māñ-bāp kī har vaqt duā le koī

kya zaruri ki girun main to sanbhaale koi

aur mere panw ka kanTa bhi nikale koi

KHushbuon ki tarah chahenge zamane wale

pahle kirdar ko phulon sa bana le koi

aaj ke daur mein shohrat ki tamanna ho agar

apne chehre pe kai chehre laga le koi

ek diya hum ne jalaya jo sar-e-rahguzar

kar na de us ko hawaon ke hawale koi

shab ki tariki mein bhi nur ka aalam hoga

pahle palkon pe sitaron ko saja le koi

chahe to apne har ek husn-e-amal se 'afaq'

apne man-bap ki har waqt dua le koi