kyon hua bab wa udasi ka

kyoñ huā baab vā udāsī kā

kuchh bigāḌā hai kyā udāsī kā

maiñ ne kāġhaz pe sher likh kar phir

rañg us meñ bharā udāsī kā

muskurātā chalā gayā phir maiñ

dil bahut thā jalā udāsī kā

tum mire ghar dobāra aa.e ho

phuul phir se khilā udāsī kā

mirī tishna-labī miTā saaqī

ek sāgar pilā udāsī kā

kis ne toḌā shajar mire ghar se

ki parinda uḌā udāsī kā

nahīñ ma.alūm tujh ko bhī 'hamza'

tū bhī hai manchalā udāsī kā

kyon hua bab wa udasi ka

kuchh bigaDa hai kya udasi ka

main ne kaghaz pe sher likh kar phir

rang us mein bhara udasi ka

muskuraata chala gaya phir main

dil bahut tha jala udasi ka

tum mere ghar dobara aae ho

phul phir se khila udasi ka

meri tishna-labi miTa saqi

ek sagar pila udasi ka

kis ne toDa shajar mere ghar se

ki parinda uDa udasi ka

nahin malum tujh ko bhi 'hamza'

tu bhi hai manchala udasi ka