kyon KHayal-e-ruKH-e-mahbub ka ehsan hota

kyoñ ḳhayāl-e-ruḳh-e-mahbūb kā ehsāñ hotā

dil jalā thā to charāġh-e-shab-e-hijrāñ hotā

iid hotī tire dīvāne kī aatī jo bahār

jhuk ke dāman se ham-āġhosh garebāñ hotā

shab-e-mahtāb meñ vo ruḳh se ulaTte jo naqāb

gird phir phir ke tasadduq mah-e-tābāñ hotā

ḳhair guzrī ki tirī bazm meñ behosh the sab

varna jo hosh meñ aatā vo pashemāñ hotā

vāste maiñ ne shab-e-vasl ḳhudā ke bhī diye

maan hī jaatā vo kāfir jo musalmāñ hotā

ai junūñ mujh se qasam le ki bahut muflis huuñ

kyā kafan ke liye rakkhā jo garebāñ hotā

Thokareñ vādī-e-ġhurbat kī na khātā 'safdar'

ai falak us kā bharā ghar jo na vīrāñ hotā

kyon KHayal-e-ruKH-e-mahbub ka ehsan hota

dil jala tha to charagh-e-shab-e-hijran hota

id hoti tere diwane ki aati jo bahaar

jhuk ke daman se ham-aghosh gareban hota

shab-e-mahtab mein wo ruKH se ulaTte jo naqab

gird phir phir ke tasadduq mah-e-taban hota

KHair guzri ki teri bazm mein behosh the sab

warna jo hosh mein aata wo pasheman hota

waste main ne shab-e-wasl KHuda ke bhi diye

man hi jata wo kafir jo musalman hota

ai junun mujh se qasam le ki bahut muflis hun

kya kafan ke liye rakkha jo gareban hota

Thokaren wadi-e-ghurbat ki na khata 'safdar'

ai falak us ka bhara ghar jo na viran hota