kyon na aane ki baat karte ho

kyoñ na aane kī baat karte ho

dil dukhāne kī baat karte ho

dil lagāne kī baat karte ho

kis fasāne kī baat karte ho

ye kaho ḳhud bhulā diyā tum ne

kyoñ zamāne kī baat karte ho

kaun vaa.iz sune tumhārī baat

kab Thikāne kī baat karte ho

sīm-tan la.al lab guhar dandāñ

kis ḳhazāne kī baat karte ho

tum abhī aa ke bhī nahīñ baiThe

aur jaane kī baat karte ho

bazm-e-hastī ujāḌne vaalo

kyoñ sajāne kī baat karte ho

kuchh nahīñ jis meñ hasratoñ ke sivā

us zamāne kī baat karte ho

bhūlnā bas meñ jo nahīñ ai 'zubair'

vo bhulāne kī baat karte ho

kyon na aane ki baat karte ho

dil dukhane ki baat karte ho

dil lagane ki baat karte ho

kis fasane ki baat karte ho

ye kaho KHud bhula diya tum ne

kyon zamane ki baat karte ho

kaun waiz sune tumhaari baat

kab Thikane ki baat karte ho

sim-tan lal lab guhar dandan

kis KHazane ki baat karte ho

tum abhi aa ke bhi nahin baiThe

aur jaane ki baat karte ho

bazm-e-hasti ujaDne walo

kyon sajaane ki baat karte ho

kuchh nahin jis mein hasraton ke siwa

us zamane ki baat karte ho

bhulna bas mein jo nahin ai 'zubair'

wo bhulane ki baat karte ho