kyon tajjub hai ki un ke sath diwane gae

kyoñ ta.ajjub hai ki un ke saath dīvāne ga.e

sham.a jis jānib ga.ī us samt parvāne ga.e

shaiḳh kitne pārsā haiñ aaj pahchāne ga.e

din to masjid meñ guzārā raat maiḳhāne ga.e

jab hameñ dār-o-rasan kī god meñ niiñd aa ga.ī

tab kahīñ ham ishq kī duniyā meñ pahchāne ga.e

un safīnoñ ke tasadduq un safīnoñ ko salām

chhoḌ kar sāhil jo tūfānoñ se Takrāne ga.e

azmat-e-dīvāngī ham ne kahāñ zāhir na kī

daar par bhī ham to is parcham ko lahrāne ga.e

kar diyā badnām 'nayyar' ishq ke jazbāt ne

merī ulfat ke zamāne bhar meñ afsāne ga.e

kyon tajjub hai ki un ke sath diwane gae

shama jis jaanib gai us samt parwane gae

shaiKH kitne parsa hain aaj pahchane gae

din to masjid mein guzara raat maiKHane gae

jab hamein dar-o-rasan ki god mein nind aa gai

tab kahin hum ishq ki duniya mein pahchane gae

un safinon ke tasadduq un safinon ko salam

chhoD kar sahil jo tufanon se Takrane gae

azmat-e-diwangi hum ne kahan zahir na ki

dar par bhi hum to is parcham ko lahrane gae

kar diya badnam 'nayyar' ishq ke jazbaat ne

meri ulfat ke zamane bhar mein afsane gae