kyon ulajhte hain miyan ishq ke bimaron se

kyoñ ulajhte haiñ miyāñ ishq ke bīmāroñ se

haath jal jā.eñge mat kheliye angāroñ se

qaid-e-hastī se milegī mujhe kab jaane najāt

kab talak phoḌūñgā sar jism kī dīvāroñ se

sāhab-e-jubba-o-dastār se to kuchh na huā

ai ḳhudā kaam koī le le gunahgāroñ se

aap dīvār se lag jaa.eñ na ġhaflat meñ kahīñ

aap hushiyār raheñ hāshiya-bardāroñ se

baat jaa.ez bhī agar hai to nahīñ mānte haiñ

mujh ko shikva hai yahī un ke taraf-dāroñ se

hasrateñ huuk bahut dil meñ uThātī haiñ 'vasīm'

ho ke māyūs palaT aatā huuñ bāzāroñ se

kyon ulajhte hain miyan ishq ke bimaron se

hath jal jaenge mat kheliye angaron se

qaid-e-hasti se milegi mujhe kab jaane najat

kab talak phoDunga sar jism ki diwaron se

sahab-e-jubba-o-dastar se to kuchh na hua

ai KHuda kaam koi le le gunahgaron se

aap diwar se lag jaen na ghaflat mein kahin

aap hushiyar rahen hashiya-bardaron se

baat jaez bhi agar hai to nahin mante hain

mujh ko shikwa hai yahi un ke taraf-daron se

hasraten huk bahut dil mein uThati hain 'wasim'

ho ke mayus palaT aata hun bazaron se